Aretxabaletan bizi den Ekain Martinez de Lizarduy zuzendariaren Erraiak ikus-entzunezkoak, dokumental onenaren saria jaso du, Montevideoko film lehiaketa batean.
Martinez de Lizarduyk sare sozialen bidez eman du albistearen berri eta eskerrak eman dizkie proiektu horretan parte hartu dutenei.
Ekain Martinez de Lizarduyk, 2018an estreinatu zuen Arteman Komunikazioarekin elkarlanean ekoitzitako eta irrintziari buruzkoa den dokumental hau. Bertan, Euskal Herri osoan zehar irrintziarekin zerikusi zuzena duten pertsonen testigantzak jasotzen dira. Euskara hutsean grabatuta dago eta 33 minutuko iraupena du.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
