Ekainaren 28rako, Sexu Askapenerako Nazioarteko Egunerako, bailaran zehar hainbat ekitaldi antolatu dituzte herri ezberdinetako plataforma eta talde ezberdinek. Aretxabaletan, eguerdian, performancea egin dute herriko plazatik hasita eta Durana kalean zehar. Ekintza Aretxabaletako gazte mugimenduak antolatu du, eta herritarren arreta bereganatu du.
"Performance honekin aldarrikatu nahi izan dugu gaur egungo hetero-patriarkatu, hetero-arau, erlijioak eta kapitalak zapaltzen dizkiguten askatasun eta berezko eskubideak", azaldu dute ekintzan parte hartu duten gazteek.