Konfinamenduko arintze neurriei jarraituta bihar, ekainak 3, zabalduko dute liburutegia baina zerbitzua mugatua izango dela iragarri dute. Hona hemen funtzionamendua eta hartu beharreko neurriak zeintzuk izango diren zehaztuta:
- Maileguak eta itzulketak egiteko bakarrik sartu ahal izango da liburutegian, banan-banan.
- Ezin izango dira ordenagailuak erabili, ezta ikasteko espazioak ere.
- 14 urtetik beherakoek heldu batekin joan beharko dute eta ezin izango dituzte liburuak ukitu.
- Derrigorrezkoa izango da maskara eta gel hidroalkoholikoa erabiltzea, eta pertsonen arteko segurtasun tartea mantenduko da.
Dokumentuak aurrez eskatu ahal izango dira telefonoz deituta edo emailez. Eta horretarako katalogoa ikusgai dago hemen.
Eguaztenetik egubakoitzera bitartean goizez bakarrik zabalduko dute (10:00-13:00), eta adierazi dute ekainaren 8tik aurrera, arratsaldez irekitzea aztertuko dutela.
Arkupeko gainerako guneak itxita
Arkupeko gainerako zerbitzuak, oraingoz, itxita egongo dira, eta "egoerak ahalbidetzen duenean" berreskuratuko dira. Dena den, pintura ikastaroari berriro ekiteko aukera aztertzen dabiltza, galdutako bi hilabeteak uztailean eta irailean berreskuratzeko. Uztailean joskintza ikastaroa ematea ere baloratuko dutela gaineratu dute.