Bidegorriaren obrak direla eta, Santa Kurtz kaleko 22. zenbakiaren eta Kurtzebarri eskolako eraikinaren amaieraren artean asfaltatze lanak egingo dituzte. Baita pintura lanak ere, Azbeko biribilgunetik gertu eta Santa Kurtz kaleko 15 eta 17 zenbakien parean, eta horregatik itxita izango da kalea ibilgailuendako. Dena den, 22, 24, 25 eta 27 zenbakietako garaje komunitarioetara sartu ahal izango da. Gainerako ibilgailuek ordezko bideak erabili beharko dituzte.
Bidegorria egokitzen
Herria zeharkatzen duen bidegorria egokitzeko lanak apirilaren 14an hasi zituzten Probisa Vias y Obras enpresako langileek, eta, Udalaren esanetan, martxa onean doaz. 278 metro egokitu behar dituzte, eta, hasiera baten, hamaika asterako lana aurreikusita zuten.
Lan horiekin lortu gura da, batetik, bidegorria Kurtzebarri eskolaren jolastokitik ateratzea, eta, bestetik, eskolaren aurrealdean oinezkoen zein txirrindularien segurtasuna hobetzea. Horretarako, zirkulazio-erreiak estutu egingo dituzte, eta sigisagan jarri, ibilgailuen abiadura murrizteko.