"Bisitan joan ezin diren senideekiko elkartasun keinuak inoiz baino beharrezkoak diren honetan, aretxabaletarrok ere euskal presoen eta iheslarien eskubideen alde jarraitzen dugula adierazi nahi dugu", esan dute Aretxabaletako Sareko kideek. Hala, Valentziako Picassenteko kartzelan dagoen Garikoitz Garcia Arrieta aretxabaletarraren aldeko GariAtxabaltara ekimenarekin bat egiteko eskatu diete herritarrei.
"Elkartasun hori adieraziko duen argazki bat bidaltzea edota sare sozialetara igotzea eskatzen dugu #GariAtxabaltara traolarekin", eta horretarako azken eguna izango da maiatzaren 8a. Jasotako guztiekin bideo bat egingo dute.
Argazkiak bidaltzeko hainbat bide proposatu dituzte: WhatsApp bidez: 657 775 839; posta elektronikoa erabilita: atxabaltakosare@gmail.com; Instagram bidez: atxabaltakosare; edo Twitter bitartez: @Atxabalta1