10:00etan, maila txikienetako txirrindulariak izango dira lehenak parte hartzen, eta 12:00etan, berriz, kadete, junior eta elite mailetakoak arituko dira. Aitor Murua Oztopo Trialsin taldeko kideak adierazi duenez, erakustaldi ederra izango da: "Iaz, bi txapelketa egin genituen Arbizelaiko gunean: Open Oztopo eta Gipuzkoakoa. Hala, 40 bat txirrindulari inguru batuko garelakoan gaude. Oztopotik, esaterako, 10-12 parte-hartzaile izango gara: Alvaro Gimenez iazko txapelduna, Gorka Merino, Julen Arenaza...; aurten oso ondo ari dira".
Puntako txirrindulariak
Muruak gaineratu duenez, Jon Areitio, Julen Saez eta Irene Caminos txirrindulariak egongo direla zapatuan. Bestetik, gaineratu du ekainaren 13an Euskadiko txapelketa ere Aretxabaletan egingo dela.