Arratsalde partean ere jai giroa izango da herriko kaleetan. 16:00etan, Irulitxa txarangak girotuko ditu kale bazterrak, eta 17:30ean, buruhandiek irtengo dute txarangaren doinuen atzetik.
Aratusteak bukatzeko Txin-en hileta izango da urtero legez. Zerraldoa eramango dute Santa Ageda neska-mutilek Mitarte kaletik Herriko Plazaraino (herritarrei lutoz jantzita joatea eta kandela eskuan eramatea gomendatzen zaie), eta han, erre egingo dute.