Herriko familia mordoak egin zuen bat atzo, otsailak 16, zazpiko futbol zelaiaren inguruan zuhaitzak landatzeko. Landare galantak ziren baina Makai lorezaintza enpresako langileen eta gurasoen laguntzarekin aise landatu zituzten.
Pagoak, haritzak, urkiak eta astigar arruntak, 27 inguru, jaso zituzten aurten, Ikerlanetik, eta gainontzekoak, likindabarrak eta lizarrak Udalak jarri zituen. Aitzurrak eta palak eskuan, lanerako gogotsu gerturatu ziren umeak zein gaztetxoak eta laster bukatu zituzten lanak. Goiz pasa polita egin zuten beste behin, eguraldia lagun.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.