Eguerdiaz geroztik izan da jai giroa herrian; izan ere, neska-mutikoek eta gaiteroek kale bazterrak alaitu dituzte Txapel Txinek gidatuta. Bien bitartean herriko sukaldari "ospetsuenek" paellak gertatu dituzte eta komentuan bazkaldu du Txapel Txinek 80 bat lagunekin batera.
Arratsaldean musika nagusitu da herrian. Torrada lehiaketarik ez da izan baina txapel dotoreenek izan dute saria. Sekula baino erromantikoago etorri den Txapel Txinek Aratusteei begira jarri ditu herritarrak eta ondo pasatzera deitu.