Nortasunez beteriko kontzertua eskaini zuen, bere gitarra eta ahotsa bidelagun hartuta. 20 lagun inguru batu ziren Udaletxe zaharreko atartean, eta antolatzaileek jarritako artisau garagardoa eta pintxoak dastatzeko aukera egon zen. Otsailari agur esateko G.A.Z. Limbo lekeitiarren bisita izango dute, otsailaren 28an.
"Ezjakintasun puntu bat genuen kontzertua hasi aurretik, ea harrera ona izango genuen, edo ez. Baina jendeak erantzun egin zuen, eta oso ondo joan zen dena" azaldu du Eñaut Zubizarreta antolatzaileak.
Bakarlari irundarrak ironiaz eta seriotasunez zipriztindutako letrez ureztatzen ditu gitarra doinuak. Pop eta punk doinuen artean mugitzen da trebe, eta abesteko estilo propioa du, erraz detektatzeko modukoa.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
