Aratuste-domekako bazkariek arrakasta handia izan dute eta dagoeneko txartel gutxi batzuk geratzen dira. Ibarra kiroldegira joateko ia 520 zeuden salduta eguaztenean, hortaz, 80 inguru daude bakarrik. Karnabalen Lagunek Iturrigorri pilotalekuan egingo duten "bazkari golforako" txartel salmenta, ostera, eguaztenean itxi zuten; 400 bueltan saldu dituzte.
Kiroldegiko bazkarirako txartelak eskuratzeko Arkupera jo behar da; helduen menua da 18 euro eta umeena, 13 euro.
Txapel Txin Egunean, otsailaren 15ean, egingo duten paella janerako txartelak oraindik badituzte Kixkor eta Urbaltz tabernetan, 10 eurotan; komentuan izango da hori.
Sei talde lokalean lanean
Mozorroak gertatzeko lokalean (Industrialdean, Basabe jatetxearen atzeko partean) dagoeneko badihardute lanean herritarrek; sei taldek hartu dute hango giltza. Arkupera jo behar da giltza hori eskatzeko.
Eta Aratusteak iragartzeko kartel lehiaketara aurkezteko epea astelehenean itxiko da.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
