Herriko ikastetxe guztiek egin dute bat grebarekin –Kurtzebarri eskola eta institutua, Lanbide eskola, Arizmendi ikastola eta Mondragon Unibertsitatea–. Baita udal langileek –Arkupe kultur etxea itxita egongo da–, udal euskaltegikoek eta Ibarra kiroldegikoek ere; hortaz, itxita izango dira horiek guztiak. Osasun etxeari dagokionez, bihar jakingo dute zer egingo duten.
Lantegiei dagokienez erantzuna ezberdina izan da. Mondragon Assemblyk bat egin du, Coprecik, ostera, ez eta CVL lantegian langile bakoitzaren esku dago zer egin. Eroskik itxi egingo ditu ateak eta Aretxarteko merkatarien kasuan norberak hautatuko du zer egin.
Mobilizazioak goiz partean
Aretxabaletako Greba batzordeak honako ekitaldiak iragarri ditu biharko:
- 10:30: Bizikleta bira herrian.
- 12:00: Ekitaldia Herriko Plazan.
- 16:30: Arrasateko manifestaziora joateko elkartu Herriko Plazan.