Bihar, 12:00etan, Elorregin elkartzeko egindako deiarekin ere bat egin du Aretxabaletako Greba Batzordeak. Aurretik, 11:00etan, Arruena parkean (Eroskiko gasolindegia) elkartuko dira Leintz aldeko gainerakoekin batera, eta han informazioa banatu ondoren abiatu Elorregira.
Eguenean, urtarrilaren 31n, ere hainbat ekitaldi egingo dituztela herrian iragarri dute. Bizikleta birarekin ekingo diote egunari (10:30) eta eguerdian (12:00) izango da herriko ekitaldi nagusia Herriko Plazan. Arratsaldean, Arrasaten egingo duten manifestaziora (18:00) joateko dei egin dute; horretarako, 16:30ean, elkartuko dira Herriko Plazan.
Euskal Herriko Eskubide Sozialen Kartak deitu du greba orokorra urtarrilaren 30erako Lan, pentsio eta bizitza duina! leloarekin. "Hamaika arrazoi grebarako" esanaz hainbat aldarrikapen egin dituzte, batzuk pentsioei dagozkienak, beste batzuk lan-hitzarmenei, eta besteak, enpleguari eta eskubide sozialei.