Greziako uhartera bidaltzeko elikagai bilketa ere abian da joan den egubakoitzetik. Elikagai iraunkorrak eskatu dituzte –dilistak, arroza, garbantzuak, pasta…– eta Ibarra futbol zelaian dabiltza jasotzen; azken eguna abenduaren 22a izango da.
Bestetik, eguaztenean, hilaren 18an, ikus-entzunezkoa eta solasaldia izango dira Arkupen. Batetik, Helena Taberna nafarraren Varados filma emango dute, eta ondoren, Aita Mari ontzian izan den Izaskun Arriaran erizainarekin solasaldia izango da, 19:00etan.
Bukatzeko, abenduaren 22an Ohorezko Erregional mailako UDAren eta Mutrikuren arteko partiduan jasoko duten dirua ere Zaporeak elkartearendako izango da; sarrera, 5 euro ordaindu beharko dute ikusle guztiek.