Gabon kantuan kaleetan

Gabon kantak abestuko dituzte herriko umeek, gurasoek lagun eginda, eta txistulariek gidatuta; Basotxoko kantu taldea ere batuko da ekimenera. Trukean goxokiak botako dizkiete herritarrek kantuan jardundakoei –abesten bukatu arte ez botatzeko eskatu dute antolatzaileek–.

Herriko Plazatik abiatuko dira 10:30ean, hainbat kaletatik pasatu –zaharren egoitzatik ere bai batzuk– eta Herriko Plazan bukatu mokadutxo bat janez. 12:00ak bueltan, Mari Domingi eta Olentzero iritsiko dira haurren gutunak jasotzera.