Odolosteak eta txistorra eskaini zituen atzo, abenduak 13, UDAk, Herriko Plazan. Gabonen atarian egin ohi duen ekitaldia izan zen. Oraingoan, Aretxartek ere bat egin zuen eta Bixentak taldea gonbidatu iluntzea girotzeko.
Sekulako giroa sortu zuen Bixentak talde aretxabaletarrak ohi legez, erromeria giroko kantuekin, abesti ezagunen bertsioak eginda eta aldarrikapen umoretsuak tartekatuta. Hala, jendetza elkartu zen Herriko Plazako karpa azpian, eta 44 kilo odoloste eta 10 bat kilo txistorra laster agortu ziren. "Gogor" lan eginda baina oso gustura ziren UDAko kideak amaieran, herritarrek egindako harrera beroarekin.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.