Murrukixo mendizale elkarteak bazkidetza eta federatze aukeren berri ematen duen gutuna bidali die bazkideei, baita 2020ko egutegia ere. Aldaketak egiteko azken eguna abenduaren 16a izango da, eta horretarako, Murrukixoren egoitzara jo behar dute interesatuek (martitzenak, 19:00-20:00) edo mezu bat bidali: murrukixo@outlook.com.
Lizentzian edo elkartean baja emateko epea zabalik dago, baita aldaketak egiteko ere, datu pertsonalak edo kontu korrontearen zenbakia aldatzeko, adibidez.
Bazkidetza kuotek ez dutela igoerarik izan adierazi dute. Euskal Mendizale Federazioko informazio guztia, ostera, lizentziaren estaldurak, araudia eta prezioak, esaterako, haren webgunean daude.
Gutunarekin batera 2020ko egutegia ere jaso dute Murrukixoko bazkideek etxean.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
