Karateka gazteenek hartuko dute parte txapelketan, benjaminetatik hasi eta infantilak arterainokoek. 160 bat neska-mutiko elkartuko direlakoan daude antolatzaileak, UDAkoak 18 inguru izango dira: benjaminak zortzi, kimuak sei eta infantilak lau. Azken horiek bi modalitatetan jardungo dute: kata (forma) eta kumite (borroka). Hain zuzen ere, lehenengoz hartuko dute parte infantilek kumite diziplinan.
Herritarrak kiroldegira gerturatzera gonbidatu dituzte UDAko kideek: "Egun polita izango da hain ezaguna ez den kirol hori gertutik jarraitzeko; hortaz, hurbildu lasai!".
Presidente Trofeoa
Bestetik, domekan, Presidente Trofeoa jokatuko dute Oxel Vazquezek, senior kategorian, eta Joanna Perezek, junior mailan. Lehiaketa Bilbon, Bizkaia Frontoian, izango da.
Horiez gain, senior mailako hainbat karatekek entrenamendu saio bat izango dute domekan, Getxon.