Lehenengo faseko partiduak zapatuan, hilaren 23an, jokatuko dituzte, 08:00ak eta 13:30ak bitartean, Iturrigorri pilotalekuan.
Domekan, ostera, zortzi partidu izango dira. Aurreko egunean sailkatutako bikoteek finallaurdenak jokatuko dituzte, 09:00etan hasita, eta irabazleek finalerdietarako txartela lortuko dute. Partidu horiek irabazten dituzten bi bikoteak sailkatuko dira finalerako; hori 12:30ean izango da. Beste bi bikoteek, ostera, hirugarren eta laugarren postuak jokatuko dituzte.
Antolatzaileen asmoa da pilotalekua zalez betetzea eta kirolaren bueltan giro polita sortzea.