Beste urte batez, Aretxabaletako Kirol Elkarteak frontenis txapelketa mistoa antolatu du arazoaren 23rako eta 24rako, Iturrigorri pilotalekuan. Izan ere, txapelketa hau urtetik urtera errotuz joan da. Txapelketan parte hartzeko izen-ematea dagoeneko zabalik dago eta horretarako azken eguna azaroaren 19a izango da. Horretarako, eskuragarri dago udafrontenisa@gmail.com helbide elektronikoa, eta mezu bat bidaltzea komeni da. Horrez gain, bikote bakoitzak txapelketako lehen egunean hamar euro ordaindu beharko ditu. Sariei dagokienez, bertako produktuekin egindako bi saski izango dira.
Txapelketa herrikoia
Oihana Mata, UDAko kideak honakoa adierazi du txapelketa honen harira: "Gure helburua da, izena ematen duten bikoteek ondo pasatzea eta disfrutatzea. Parte hartzen duten bikote batzuen maila ona bada ere, txapelketa herrikoia dela azpimarratu nahi dugu, alegia, frontenisean jokatu nahi duen edonork hartu dezake parte".