Eguaztenean, urriaren 30ean, mozorroak gertatzeko lantxoak egingo dituzte Zainduz lokalean (17:00-19:00). Norberak eroan beharko du izara eta taldeka egingo dute lan –ez dago adin mugarik–. Bukatutakoan, mozorro eta kalabaza lehiaketak egingo dituzte Durana kalean (19:00-19:30). Sariak jasoko dituztela onenek iragarri dute antolatzaileek.
Urriaren 31n, ostera, gozoki eskean irtengo dira (18:00-19:00); mozorrotuta eta egun horretarako bereziki sortutako koplak abestuta joango dira gaztetxoak dendarik denda. Kalejira egingo dute gero Durana kalean (19:15- 19:30) eta ekitaldi nagusiari ekingo diote han.
Koplak
Hona hemen gozoki eskean abeste beharreko koplak:
Oilarrak kukurruku ta
astuak arrantza
zerbaitek aztoratuta
jaiki die, antza.
Arima zuriz bete da
gure gaba baltza
hildakuak eta bizixak
dantza ta dantza.