Abesti dibertigarriekin dator Demode Quartet laukotea Aretxabaletara

Aretxabaletarrei azken ikuskizuna aurkeztuko die Iruñeko laukoteak zapatuan, urriaren 5ean (20:00). Umorea barra-barra darabilen taldeak bere abestirik ezagunenekin eta dibertigarrienekin osatutako emanaldi eskainiko du.

Joli Pascualena, Mikel de la Fuente, Iker Huitzi eta David Rosado kantariek abesti ezagunen bertsioak abesten dituzte a capella Demode Quartet izenaren azpian. Pianoak, gitarrak eta akordeoiak ere egiten diete lagun sarritan, eta koreografia dibertigarriak eta solasaldi bitxiak nahasten dituzte ia ordu eta erdiko ikuskizunean.

Debagoieneko albiste garrantzitsuak edo azken ordukoak telefonoan jaso gura dituzu?

  • Bidali ALTA 688 69 00 07 zenbakira Whatsapp bidez.
  • Batu zaitez Telegrameko @GoienaAlbisteak kanalera.