Aretxabaletako kuartel zaharreko erabiltzaileek Kuartela Kultur Elkartea sortu berri dute. Herriko kultura sustatu nahi duen espazio bat sortzea izan da taldea osatzen duten kideen helburua. Musika, dantza, eskulanak… diziplina ezberdinetako artisten eta zaleen topagune bihurtzeko asmoz.
Horretarako, urriaren 12rako, hasiera ekitaldia antolatu dute egun osoko egitarauarekin. Besteak beste, dantza ikuskizuna, bazkaria, kontzertuak… izango dira.
Jarraipena eman guran
30 urte bete dira Guardia Zibilak eraikina utzi zuenetik eta ordutik erabilera asko eman izan zaio eraikinari. Hala, erabiltzaileek kultura sortzen jarraitu gura dutela adierazi dute.
Zozketako saridunak
Hauek dira Kuartela Kultur Elkarteak egindako zozketako irabazleak: lehenengo saria, 1.087 zenbakiarentzat; bigarren saria, 1.066 zenbakiarentzat. Lehenengoaren ordezkoa 1.172; bigarrenaren ordezkoa, 1.200.