Aizkorari dagokionez, Iñaki Azurmendi eta Maite Ariztegi Aratz Mugerzaren eta Irati Astondoaren aurka arituko dira. Era horretan, bi bikote bata bestearen kontra lehiatuko dira proban, zortzi ebaketa horizontal eta trontza eginez.
Aita-semeak, erakustaldian
Harri jasotzaileen kasuan, Karmele Gisasola 25 urteko mallabitarra, harria altxatzeaz gain, txingekin eta ingudearekin ere arituko da Aretxabaletako plazan domeka eguerdian.
Iruretagoiena aita-semeen kasuan, harria jasotzen arituko dira Izeta IV.a eta bere seme Izeta V.a. 10 urterekin, Jakes gazteak 25 eta 20 kiloko harriak altxatuko ditu eta Hodei aita, aldiz, 125, 109 eta 113 kilokoekin arituko da. Izeta familia herri kirolei lotuta egon da betidanik eta aski ezagunak dira harri jasotze eta idi probetan.