Gazte Eguneko bazkarirako txartelak salgai irailaren 18a arte

Atxabaltako Gazte Mugimenduak Gazte Eguna antolatu du irailaren 21erako, zapatua; Otala Zelain egingo dute. Bazkarirako txartelak salgai dituzte Haizea eta Urbaltz tabernetan –7 euro da–; horiek erosteko azken eguna datorren eguaztena da, irailaren 18a. 

Egun osoko egitaraua gertatu dute ordurako, eta, besteak beste, izango dituzte gazte jolasak eta gazte bazkaria Otala Zelain bertan eta elektrotxarangarekin kalejira, iluntzean, Aretxabaletan. Ospakizunera Andramaixetarako –abuztuaren 14rako– ateratako kamiseta urdinarekin agertzeko dei egin dute antolatzaileek.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.