Bigarren mailako kadeteek – Uribarren eta Uribetxebarria– Alegiako Intxurre elkartekoen kontra jokatuko dute; lehen mailako kadeteek –Etxabe eta Lanzos–, Amezketako Zazpitturrikoen aurka, eta lehen mailako gazteek –Lasa eta Igartua– Azpeitiko Ilunpe elkartekoekin jardungo dute nor baino nor gehiago.
Juan Mari Errasti entrenatzailea itxaropentsu agertu da: "Txapelketa gogorra izango da, gazteen artean, bereziki, baina baditut neure esperantzak. Dena den, lehenengo partiduak jokatu arte ezin da jakin zer gerta daitekeen". Gazteek zortzi bat partidu izango dituzte lehen fase honetan, eta kadeteek bost inguru.