Udaletxeko Mantenu Zerbitzuetatik adierazi dutenez, ur-hodiaren ureztatze-ahoa askatu da eta horregatik hasi da ura irteten. Hodia oso handia denez ura presio handiarekin irten da eta altuera handia hartu du. Mantentze lanetarako kamioian izaten dute horrelako kasuetarako behar den erreminta eta hura iritsi bezain pronto konpondu dute arazoa, ura isurtzen hasi eta 10-15 minutura.
Galdu den ur kopurua ez dela oso handia izan azaldu dute Mantenu Zerbitzuetatik eta ura ondoko zelaira joan denez, ez duela bestelako kalterik eragin.