20:00etan, kanpai eskolakoek eskainitako kanpai-joaldien ondoren, tantaia jasoko dute eta auzoko pertsonaia Martin Kabarrixa auzoratuko dute. Ondoren, auzo-afaria izango dute eta afalostean kantuan eta dantzan egingo dute elkartutakoek.
Zapatuan, txistularien dianarekin hasiko dira, 10:30ean, eta 12:00etan, meza izango dute Basotxokoek lagunduta. Gero, argazkiak aterako dituzte, eta bertako jakiekin osatutako mokadutxorako tartea ere izango dute; Elizondoko tortilla eta Mitarte aldeko txorizoak janez. 35. ginkana izango dute gero, eta Areantzako jolasak gero.
Talde argazkia Kurtzebarrin
Domekan, Kurtzebarri mendiko egunarekin bat egingo dute; 09:30ean, Iturriko erromaratik irtenda joango dira. Tontorrean auzotarren argazkia aterako dute, eta jaiak Martin Kabarrixa etxeratuta bukatuko dituzte.