Eibarren izango da Oihana Aldai datorren denboraldian

Oihana Aldai.

Gaur ekin dio denboraldiari Eibarrek eta talde horretan izango da Oihana Aldai Aranzabal. Sortu berri duten kategorian, Lehenengo B Mailan, jardungo du talde horrek eta atezain aretxabaletarra "gogotsu" dago ekiteko.

"Maila berria da eta ilusio handiarekin nago. Lehenengo mailaren eta bigarrenaren artean dago eta beste helburu batzuk daude hor. Dena den, kategoria berria da baina exijentzia handia egongo da", azaldu du Aldaik eta gaineratu: "Iazko denboraldian ez nuen jokatzerik izan, aurten aukera gehiago izango dut, eta pozik nago, neu ere beste helburu batzuekin buruan".

Maila horretan lagun eta ezagun askorekin egingo duela topo badaki: "Talde mordoa daude, horien artean filial asko. Besteak beste, Zaragozaren aurka jokatuko dugu eta han egon nintzeneko lagun mordoa ditut". Etxetik gertu egotea ere kontuan hartu duela dio: "Lehenengo mailan jokatzeko aukera batzuk izan nituen, baina ondo pentsatu ostean onena zelakoan hautatu dut Eibar. Eta aurrera!". 

Gaur ekingo diete entrenamendu saioei eta lanerako gertu dago. Opor egun asko izan duela onartu du eta "ondo aprobetxatu" dituela, gainera; hortaz, hasteko gogoz agertu da.

GOIENA KLUBEKO BAZKIDETZA %30 MERKEAGO

Goiena Komunikazio Taldeko hedabideek lehentasunezko mezenasgo jarduera izendapena dute. Ondorioz, Goiena Klubeko bazkide baldin bazara zerga onurak ezarriko zaizkizu Goienari egin diozun ekarpenarengatik.

Goiena Klubeko bazkidetza kuota %30 merkatuko zaizu errenta aitorpena egiterakoan.

BAZKIDE EGITEKO, DEI EGIGUZU: 943 25 05 05 edo egin klik hemen.


Zerga onurak izateko datuak bete