Foru Aldundiko Errepideetako Kudeaketa eta Plangintzako zuzendari Mikel Uribetxebarria Barrenak adierazi du aste pare batez jasoko dituztela mostrak: "Laginen emaitzekin txostena bidaliko dugu Eusko Jaurlaritzara, eta handik erantzuna jasotakoan eta oniritzia emandakoan, esleituko ditugu lanak. Dena den, aurten exekutatzea ez da samurra izango". Behin lanak hasitakoan, sei bat aste iraungo dutela iragarri du, "obra txikia" delako.
Era berean, argitu du horrek ez duela baldintzatuko Eroski supermerkatuaren irekiera.
