Lau urteotan egindako lanaren trukean jaso zuten oparia: Aretxabaletako armarriaren urrezko intsignia. Egungo zinegotziekin batera –Larraitz Garai eta Luis Mariano Gomez ez ziren izan– agintaldian zehar kargua utzi dutenak ere gogoan izan zituzten; hala, intsignia hori jaso zuten orain dela bi urte hil zen Hector Prietoren gurasoek eta Nerea Etxabek –Oihane Etxebarriak ezin joana agertu zuen–. Oraingo udalbatzako zortzi kide ez dira izango hurrengoan, eta giro onean agurtu ziren guztiak. Miren Lorea Lana sozialistak, esaterako, pena galanta zuen: "Benetan gustura egon naiz lau urteotan; politikoki ez da gorabeherarik izan, baina bereziki harreman pertsonalek aberastu naute".