Irakasleek bigarren hezkuntzan dituzten erronkak aztertzeko topaketa, bihar

Bihar, 'Irakaskuntza-eredu duala Bigarren Hezkuntzako Masterrean' prestaketa-topaketa egingo da Mondragon Unibertsitateak Aretxabaletan duen fakultatean. 09:00etan hasiko da jardunaldia eta Jordi Coiduras eta Meritxell Moreras adituek hartuko dute parte, besteak beste. 

Biharko egitaraua DBHn, Batxilergoan, Lanbide Heziketan eta Hizkuntzen Irakaskuntzan Irakasle Gisa Aritzeko gaitzen duen Unibertsitate Masterreko irakasle-taldeak diseinatu du eta euskal ordezkariez gain, Kataluniako hainbat adituek ere hartuko dute parte jardunaldian. 

Egitaraua

  • 09:00-10:45: Hezkuntza-eraldaketa Bigarren Hezkuntzan.
  • 10:45-11:15: Atsedenaldia.
  • 11:15-13:00: Kataluniako esperientziarekin batera tutoretza-eredua eraikiz.
  • 13:00-14:00: Bigarren Hezkuntzaren erronkak gaur eta hemen.

Debagoieneko albiste garrantzitsuak edo azken ordukoak telefonoan jaso gura dituzu?

  • Bidali ALTA 688 69 00 07 zenbakira Whatsapp bidez.
  • Batu zaitez Telegrameko @GoienaAlbisteak kanalera.