Otsailean Urbaltz elkarteko kideak Montferrin egon ziren, eta asteburu honetan handik etorri dira, elkartrukea osatzera. 30 lagun inguru etorri dira –bakarka, bikoteka edota familia osoa–.
Atzoko bazkaria jendetsua izan zen. Aurrez, sorpresa bat eman gura izan zieten Urbaltz elkarteko kideek kataluniarrei, eta tela-akrobazia emanalditxo bat egin zuten, aurreskuaren eta L´estaca abestiaren arteko nahasketa batekin. Bazkalostea alaitzeko, Bixentak taldeak kontzertua eskaini zuen.
Gaur, berriz, bi taldetan banatu dira goizean. Batzuek herri kirolak egin dituzte eta besteek Bedoñako txakolindegia bisitatu dute. Gero, Uratzalde eta Murualde elkarteak bisitatuko dituzte, "kataluniarrek ikus dezaten hemengo elkarte ezberdinen funtzionamendua nolakoa den", Gari Iturbe elkartrukearen antolatzaileetako batek adierazi duenez. Urbaltz elkartean bazkaldu ostean, etxerako bidea hartuko dute kataluniarrek.