Abuztuan bi urte beteko dira Pirinioetako Balaitus mendian hil zela Crespo. Haren senideek, lagunek eta herritar askok ondo gogoan dute gazte aretxabaletarra, eta ekainarekin batera, bigarrenez antolatu dute Bizir Eguna.
Mendi bueltarekin hasitako egunari musikak girotuta eman diote bukaera; eta horretan lagun izango dituzte, Ekiñe Casado arrasatearra; Krisis rock talde aretxabaletarra; Gari musikari ezaguna; eta Leire Etxezarreta eta Eider Garro trikitilariak.