Aretxabaleta Lanbide Eskolak eta Adom Autonomiak hitzarmena sinatu dute

ALEko Joseba Beristain eta Adom Autonomiako Jabi Odriozola.

Lankidetza hitzarmena sinatu dute Aretxabaleta Lanbide Eskolaren izenean Joseba Beristainek eta Adom Autonomiaren (Erreka kooperatiba) ordezkari Jabi Odriozolak heziketaren sustapena eta inguruaren garapena helburu duen kolaborazioari hasiera emateko.

Mugikortasun arazoak dituzten pertsonen lekualdatzeak egiteko sabaiko garabi bat jarri du Adom enpresak ALEn. Elkartutako ordezkariek jakinarazi dute hitzarmen horren helburua dela ikasleak trebatzea eta herritarren eta bailarako profesionalen ezagutza aberastea; baita garabiaren maneiuan trebatzea ere, transferentzia seguruak eginez eta erabiltzaileen eta zaintzaileen osasuna zainduz.

Gizarte eta Osasun profesionalak transferentzia seguruetan trebatzeko lehen ikastaroa ekainaren 14an jasoko dute (10:00) ALEn, Adom enpresako Jabi Odriozola adituak gidatuta.

GOIENA KLUBEKO BAZKIDETZA %30 MERKEAGO

Goiena Komunikazio Taldeko hedabideek lehentasunezko mezenasgo jarduera izendapena dute. Ondorioz, Goiena Klubeko bazkide baldin bazara zerga onurak ezarriko zaizkizu Goienari egin diozun ekarpenarengatik.

Goiena Klubeko bazkidetza kuota %30 merkatuko zaizu errenta aitorpena egiterakoan.

BAZKIDE EGITEKO, DEI EGIGUZU: 943 25 05 05 edo egin klik hemen.


Zerga onurak izateko datuak bete