Ezohiko egunean eta orduan jokatu zuen Ohorezko Erregionalak partidua eta ez zen jendetzarik agertu Ibarra futbol zelaian. Hala ere, elkartutakoek txalo zaparrada eskaini zioten Erreginaren Kopa irabazi berri duen Aldairi.
UDAk, galdu egin zuen azken partidua 0 eta 1. Bereziki lehenengo zatian izandako aukerak ez zituzten aprobetxatu etxekoek, eta bigarren zatian egindako gol bakarrarekin hiru puntuak eroan zituen jaisteko postuetan zegoen Allerruk. UDAk ez zuen ezer jokoan; 44 punturekin 12. postuan bukatu du gora behera askoko denboraldia.