Zer da elikadura osasungarria?
Elikagai osasuntsuen bitartez pertsonaren nutrizio-beharrizanak eta energetikoak betetzea organismoaren ongizaterako.
Zer da bai ala bai jakin beharrekoa sukaldean dabilen batek?
Elikagai taldeak –barazkiak, frutak, proteina osasuntsuak, zereal osoak, esnekiak…– ezagutzea beharrezkoa da konbinaketa egokiak egiteko. Noski, elikagaiak prestatzeko moduak ere garrantzi handia du.
Zer da real food delakoa?
Benetako janariak jatean oinarritutako bizi estilo osasuntsua da. Elikagai freskoak –barazkiak, frutak, zereal osoak, lekaleak…– elikaduraren oinarri izatea, gaur egun oso eskuragarri ditugun jaki prestatuak, ultraprozesatuak, alde batera uzteko.
Elikadura piramideak aldaketak izan ditu?
Elikaduraren inguruko gomendioak hobetu egin dira; piramidearen oinarrian benetako jakiak –barazki, fruta, zereal osoak…– agertzen direlako ariketa fisikoarekin batera, eta elikagai ez osasuntsuak –alkohola, gozoak…– piramidetik kanpo. Funtsean, real food-a bizi estilo osasuntsu horretan oinarritzen da.
Elikagaien etiketak dioena jakitea garrantzitsua da?
Bai, jaten diren jaki prestatuen osagaiak eta nutrizio-ezaugarriak jakiteko; baita datu horiek interpretatzen jakitea ere: elikagai edo jaki osasuntsuen eta ez osasuntsuen sailkapen egokia egiten lagunduko digu eta, hala, erosketak egiterakoan lana erraztu.