Easo talde donostiarra hartu zuten etxean, atzo, domeka, Ointxe! saskibaloi elkarteko Mondragon Lingua taldeko alebinek, baita irabazi ere 50 eta 45. Hala, Gipuzkoako kopa eskuratu dute, eta ondorioz, Euskadiko txapelketarako txartela lortu. Hori irabaziz gero Valentziara abiatuko dira Espainiako txapelketa jokatzera.
Partidua ez zuten ondo hasi etxekoek, eta donostiarrek bederatzi puntuko aldea lortu zuten. Bigarren denboran etorri zen etxekoen erreakzioa; markagailua irauli eta aurretik jartzea lortu zuten, eta donostiarrek ez zuten harrapatzerik lortu. Azken emaitza 50 eta 45 izan zen, eta kopa etxekoentzat. "Ibarra kiroldegian zale asko bildu zen taldea animatzera eta horrek ere lagundu du", adierazi dute taldeko kideek eta gaineratu: "Zorionak neskak egindako denboraldiagatik!"
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
