Erromeria giroak jendetza elkartu du Otala Zelain

Herritarrek ez dute hutsik egin, eta urtero lez, jende asko gerturatu da Aozaratza auzoko zelai ezagunera. Umeek animaliekin jolas egin dute beste behin, eta bien bitartean helduek sagardoa edan eta mokadutxo bat. Paella egin duten kuadrilla bakar batzuk ere elkartu dira. 

Herriko trikitilarien doinuak eta dantzarien erakustaldiek izan dituzte lagun bertaratu direnek. Udalbatzako kideek, ostera, aspaldiko ohiturari jarraituz, mendi bueltatxoa egin dute mugarriak bere lekuan dauden ziurtatzeko.