Goiz partean, Udalbatzako kideak, eta auzo alkateak ere gonbidatuta daude, mugarriak berrikusteko mendi buelta egingo dute.
Egunerako prestatutako egitarau ofiziala baina, haurrentzako lasterketekin hasiko dute eta, parte hartzaileen adinaren arabera, modalitate ezberdinak egongo dira: benjaminak, 500 metro; alebinek, 1000 metro eta infantilek, 1.500 metro egin dute arineketan. Neska eta mutilak bereiztuta egingo dute korrika eta parte hartu nahi dutenek ikastetxeetan eman beharko dute izena. Jarraian, 11:00etan, lasterketa nagusia abiatuko da.
Behin lasterketak amaituta, erromeriari emango diote hasiera. Umeek animaliekin jolasean aritzeko aukera izango dute 13:00etan, eta, ordu berean, herritarrek eta herriko elkarteek eginiko paella lehiaketa ere izango da. Horrez gain, Sagardo dastatzea, herri bazkaria eta Leizarra Musika Eskolakoen eskutik, trikiti doinuak eta dantza saioa ere izango dira. Eguna borobiltzeko, Euskal disko festaz gozatuko dute bertaratutakoek.
Eguraldi txarra eginez gero, erromeria Iturrigorri pilotalekuan egingo dute eta paella lehiaketa bertan behera geldituko da.
41. Otala Zelai krosa
11:00etan, Joseba “Mardo” omenduz, 41. kross herrikoia egingo dute; Urkuluri itzulia egingo diote lasterketa nagusian eta hiru kategoria izango dira: mutilak, neskak eta bikote mistoak. 8.400 metroko ibilbidea lasterka egin nahi dutenek, www.herrikrossa.eus wenbgunean eman ahal izango dute aurrez izena edo, egunean bertan, irteera lekuan ere izango da izena emateko aukera. Sari banaketa ekitaldia 12:30ean egingo dute.
