Erretiratuok herriaren bizitzaren parte gara, eta, hauteskunde kanpaina abian jarri aurretik, hainbat gairen gaineko argibideak gura ditugu; bereziki, arduratzen gaituzten kontu zehatzen gainekoak", adierazi dute Basotxo erretiratuen elkarteko kideek. Hala, udal hauteskundeetara aurkeztutako alderdiak gonbidatu dituzte elkartearen egoitzara kontu horien gainean berba egiteko; eta birekin adostu dituzte bilerak: eguaztenean, maiatzaren 8an, EH Bildu joango da (18:00) eta egubakoitzean, maiatzaren 10ean, EAJ (16:00). "Elkarrekin Podemosek ere agertu du interesa, baina ezin izango da etorri, kanpoan delako datorren astean", jakinarazi dute.
Galdera sorta luzea gertatu diete erretiratuek alderdietako kideei; besteak beste, mahaigainean jarriko dituzten gaiak dira: eguneko zentroa, babestutako etxebizitzak, zikinkeria, Basotxo, herritarren iritzia, Santa Kurtz kaleko proiektua eta Txarapeako etxeak.