Gipuzkoako 50. Hiru Txirlo Bola Joko Txapelketa jokatzen dihardute martxoaz geroztik, eta Aretxabaletako bolatokia zirkuitu horren barruan dago sartuta. Hala, bihar, zapatua, jokatuko da botaldia (17:00), txapelketa horren bosgarrena, hain zuzen ere. Bolatokia zabalik egongo da honako ordutegi honetan: 11:30etik 13:30era eta 16:00etatik aurrera.
Izen-ematea 5 euro izango da. Lehenengo sei onenek sariak jasoko dituzte; hona hemen: lehenengoak, 65 euro; bigarrenak, 50 euro; hirugarrenak, 35 euro; laugarrenak, 20 euro; bosgarrenak, 10 euro; eta seigarrenak, sorpresa.
Bola-jokoaren bueltan taldetxo bat elkartu da herrian, aurten, eta hori suspertzeko lanetan dihardute azken hilabeteetan. Zapatuko txapelketara ere herritarrak gonbidatu dituzte parte hartzera.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.