Bixente Etxeandia hil da, UDAko eta Alaveseko jokalari ohia

Bixente Etxeandia 2007an, futbol zelaia berritua inauguratu zuenean.

Gaur, apirilak 18, zendu da Bixente Etxeandia Arregi (Aretxabaleta, 1931) futbol jokalari handia, UDAn zein Alavesen zeresan handia izan zuena. Hain zuzen Alavesarekin lehen mailan jokatu zuen. Hileta elizkizuna astelehenean, apirilaren 22an, izango da Aretxabaletako parrokian (19:00).

UDAn hasi zuen futbol jokalari ibilbidea, eta handik Alavesera joan zen. Sei bat denboraldi egin zituen han 1952 eta 1957 artean jarraian, eta gero, 58-59an. 1954an lehenengo mailara igo zen taldea eta bi denboraldi egin zituen han. Ondoren, Granada, Recreativo de Huelva, Sestao eta Mirandes taldeetan ere jokatu zuen, besteak beste.

Behin erretiratuta UDAko entrenatzailea izan zen lau bat urtez, eta presidente ere bai; ohorezko presidente zen gaur egun.

Tristura nagusitu da herrian eta UDAk samina agertu du heriotzaren berri izandakoan. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.