Maiatzaren 11n, zapatua, ospatuko dute Erretiratuen Eguna. Ordurako txartelak apirilaren 23an, martitzena, jarriko ditu salgai Udalak, eta maiatzaren 3a bitartean izango dituzte. Horretarako, udaletxeko sarreratik pasatu behar da; hona hemen ordutegia: 10:00-12:00. Prezioa da 15 euro txartel bakoitzeko.
Udalak antolatu du Basotxo erretiratuen elkartearekin elkarlanean. Bazkaltzeko elkartuko dira, beste behin, herriko erretiratuak Ibarra kiroldegian (14:00), eta ondoren, gura beste dantzan egiteko aukera izango dute, AZ Gaubelak DJ talde aretxabaletarrak girotuta.
Iaz berreskuratu zuten ospakizun egun hori, hainbat urtetan egin barik egon ondoren, eta harrera beroa egin zieten herriko erretiratuek; 165 bat lagun elkartu ziren.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.