Basotxo erretiratuen elkarteko zuzendaritza batzordea osatzen duten zortzi lagunek lanean jarraitzea erabaki dute beste urtebetez. Izan ere, batzar orokorra egin zutenean, hilaren 15ean, ardurak hartzeko gertu dagoen boluntariorik ez zen agertu. Hala, honako zortzikoteak jarraituko du: Jose Rodriguez (presidentea), Kontxi Romano (presidente-ordea), Ramiro Gomez (diruzaina), Tere Delgado (idazkaria), Isabel Olivenza (kultura arduraduna), Pedro Etxebarria, Nieves Gonzalo eta Jose Gato.
Astelehenean elkartu ziren Karmele Uribarri Ongizate zinegotziarekin horren guztiaren berri emateko eta aurrera begirakoak antolatzen hasteko. Ekainean Errumaniara Batzar orokorrean elkartutako hamar bat bazkideri iaz egindakoen berri eman zieten –jarduera, irteera zein ospakizun mordoa–, eta aurtengo egitaraua aurreratu; ekainean, esaterako, Errumaniara joango dira, ekainaren 24tik uztailaren 1era hain zuzen ere –argibide gehiagorako Basotxotik pasatu (11:00-12:00)–.
