'Aida' opera emango dute apirilaren 6an Arkupen

Giuseppe Verdi italiarrak idatzitako opera da Aida, eta amodiozko istorio tragikoa du ardatz: Radames, Egiptoko heroi nazionala, Amneris faraoiak duen morroiaren alaba etiopiarraz maiteminduko da, Aidaz hain zuzen ere. 

1871ko abenduaren 24an estreinatu zen obra hori, El Cairon, eta izugarrizko arrakasta izan zuen. Verdi konpositorea dagoeneko ezaguna zen Europan obra hori idatzi zuenerako, eta horren ondoren, are eta ospetsuagoa egin zen. La traviata lez, opera hau ere Sydneyko portuan grabatutako ikuskizuna da. Australiako abesbatzak eta balletak hartu zuten parte bertan. 157 minutu irauten du eta lau ekitaldi ditu.