Pregoia aldarrikatzailea izango zela iragarri zuten antolatzaileek eta halakoa izan zen; izan ere, "estatu kolpea" eman zuen atzo Txapel Txinek, eta Inauteriak bukatu bitartean herriko alkate izango dela aldarrikatu.
Plaza bete egin zen 2007an sortu eta dagoeneko herrian ondo errotuta dagoen pertsonaiari ongi-etorria emateko. Ez zen bakarrik etorri, Txin Txin bere laguntzailea lagun izan baitzuen uneoro. Pregoiaren ondoren, torrada onenen egileei eta txapel dotoreena zeramanari sariak banatu zizkieten. Ondoren, txistorra eta sagardoa eskaini zieten Plazara hurbildu zen pertsona orori.
