Balio historikoa duten herriko hainbat eraikin identifikatu ditu Udalak

Balio historikoa duten herriko hainbat eraikin identifikatu ditu Udalak
Udaletxean, Arrate jauregian, jarritako plaka.

Herriko hainbat eraikini, balio historikoa aitortu nahian, plakak jarri dizkiete identifikatzeko. Udaletxean, parrokian eta udaletxe zaharrean jarri dituzte plaka horiek, hiru hizkuntzatan –euskaraz, gazteleraz eta ingelesez–, eta jauregiaren izena eta eraiki zeneko mendea zehaztuta.

Aurrerago, Otalora jauregiari ere jarriko diotela plaka iragarri dute Udal ordezkariek.

Eraikin horien gaineko informazio guztia dago jasota Udalaren webgunean.