Taldetxo bat dagoeneko sortu dute bola txapelketak antolatzen hasteko, eta zapatuan deialdi berezia egin zuten bolo jaurtiketa batzuk egiteko. Hala elkartu ziren Gipuzkoako federazioko hainbat lagun, Mikel Urkia presidentea, besteak beste, eta Aretxabaletako hainbat jaurtitzaile. Ikusminak jota gerturatu ziren herritarrek ere probatu zuten eta goiz pasa atsegina izan zuten.
Hiru Txirlo Bola Txapelketaren 50 urteurrena
Gipuzkoako Hiru Txirlo Bola Txapelketak 50 urte betetzen ditu aurten, eta hori ospatzeko, hiru txapelketa iragarri ditu federazioak. Aretxabaletan bertan emango diote hasiera txapelketa horietako bati, jaurtiketa berezien txapelketari hain zuzen ere; martxoaren 2an izango da, 17:00etan.
Ondoren, ohiko txapelketaren egitarau barruan ere sartu dute, eta kanporaketa bat jokatuko da Aretxabaletan, maiatzaren 4an.