Maskarak egin zituzten atzo Gu Haziak Gara elkartearen egoitzara gerturatutako neska-mutikoek, eta horien gurasoek, Joana Manzisidor artista arrasatearra gidari hartuta. Behin bukatutakoan, egindakoak erakutsi zituzten, modeloak lez.
Maskaren zirriborroak egin zituzten lehenengo, paperean, elkartutako guztien artean, umeek zein helduek jardun zuten lan horretan, hamabost bat lagunek. Eta gero, atzera utzitako materiala erabili zuten aurpegia estaltzekoak egiteko; zuloak egin, josi, margotu… ez zuten aspertzeko unerik izan. Emaitza, ostera, ezin dotoreagoa izan zen eta hori erakusteko gurasoen aurrean paseoan egin zuten neska-mutikoek.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.